خطوات فتح صيدلية بيطرية

من طرف **د رضا** الخميس ديسمبر 09, 2010 8:17 am

بسم الله الرحمن الرحيم

خطوات فتح صيدلية بيطرية

فى نقاط بسيطه .قانونا لازم تتوافر كل الشروط القادمه. وهنقول فى الاخر ممكن نتجاوز عن بعض الامور.
1- انت مصرى الجنسيه او حاصل على جنسيه مصريه.
2- انت اتخرجت من كليه الطب البيطرى وحصلت على البكالوريوس
3- ذهبت للنقابه وعملت كارنيه العضويه واعطوك تصريح مزاوله مهنه ودفعوك حوالى 140 جنيه.
4- لقيت مكان لا يقل عن 25 متر مربع مساحه ( يعنى 5 *5 ) . والمكان ده يبعد عن صيدليه بيطريه اخرى مش اقل من 100 متر او 150 متر .
5- المكان ده الحوائط والارضيه والاسقف من السيراميك (ماده سهله التنظيف) وفيه صرف صحى ومصدر ماء وكهرباء وطفايه حريق وصدر تهويه ( المكان متظبط يعنى)
6- بتاخد تصريح الشارع او الحى لمزاوله تداول الادويه البيطريه فى هذا المكان.
7-بتعمل رسم هندسى كروكى للمكان .
8- صور شخصيه وصوره البطاقه الشخصيه .
9- تروح السجل الضريبى وتقلهم عاوز اعمل سجل ضريبى ( علشان الضرايب تحاسبك كل سنه وهنا هتجيب محاسب قانونى) وتعمل كمان سجل تجارى ( علشان يثبت انك هتقوم بتداول الادويه البيطريه فقط).
10- هيجى معاين يعاين توافر الشروط دى كلها وهياخد منك مبلغ مالى ولو لقى حاجه مش تمام هيرجع تانى وياخد تانى وتقريبا هو 1020 جنيه ( هنا ممكن تمشى امورك معاه . فاهمنى طبعا) وهنا مش كل الشروط لازم تكون مكتمله من حيث المساحه والبعد عن صيدليه اخرى وتصاريح الحى سهله تظبطها.
11- لازم انت تكون المدير للمكان يعنى ما حدش ينفع يدير المكان غيرك لكن ممكن فيه ناس بتشترى اسم الطبيب البيطرى وبيكون الصديدليه باسمك لكن باداره شخص اخر( ناس بتظبط مع نفسها).
12- هما هيقلولك انك لو قفلت المكان لمده سنه كامله او غيرت وبيعت حاجه تانى او نقلت المكان لمكان تانى مش مرخص كل ده يخليهم يلغوا التصاريح بتاعتك ( لكن برده الموضوع ده بيتظبط )

منقووووووول