سلسلة محلات مؤمن العالمية

من طرف **د هاني** الإثنين سبتمبر 29, 2014 12:57 pm

3 أخوات مصريين عندهم رأس مال صغير وحلم كبير عايزين يحققوه ..

سنة 1988 ظهر مطعم اسمه "مؤمن" واللى كان بيمسكه 3 أخوات من عيلة اسمها "مؤمن" .. فى الوقت ده كانت مصر فى بداية الانفتاح على السوق والمطاعم العالمية زى كنتاكى وماكدونالدز وبيتزاهت، لكن قدر مؤمن بخطى ثابتة يكون ضمن المطاعم اللى الناس مهتمة بيها لأنه كان بيقدم أكل عالى الجودة بسعر منخفض مقارنة بباقى المطاعم =)) .. سنة ورا سنة ومطعم ورا مطعم اتحول مطعم مؤمن لسلسلة مطاعم كبيرة فى مصر ..

مكتفاش الأخوة مؤمن انهم يفتحوا فروع فى مصر وكان طموحهم يوصلوا للعالمية ، ومن هنا جاتلهم فكرة الفرانشايز، انهم يتنازلوا عن حقوق ملكية اسم المطعم لأى رجل أعمال يموّل المطعم بره مصر ، بشرط ان مؤمن تديله فريق العمل المتدرب ووصفاته وخلطاته الخاصة وفى المقابل تاخد سلسلة مؤمن الرئيسية نسبة من الأرباح
اتفتح 8 فروع فى البحرين و3 فروع فى ليبيا وفرعين فى السودان وفرع فى ماليزيا، وجت شركة اسمها الإسلامى تعاقدت مع مؤمن انها تفتح 20 فرع فى الامارات العربية المتحدة ، بس كان كمية الأكل المطلوبة فى المطاعم دى رهيبة، ومن هنا جاتلهم فكرة مصنع مؤمن واللى كان بيتنج المواد الغذائية لكل فروع مؤمن على مستوى الدول ، وبعد كده تطور المصنع وبقى له منتجات لحوم بتنزل السوق للعملاء والناس العاديين !
مؤمن بدأ بمطعم صغير ورأس مال رمزى ، لكن حاليا مؤمن بقى سلسلة مطاعم فى مصر ودول عالمية ، وبقى بيتزاكينج (Pizza King) وثرى تشيفس (3 Chefs ) وبلانت أفريقيا وقت تملك المتحدة للأطعمة ، مؤمن حلم مصرى نافس المطاعم العالمية وقدر يثبت المنتج المصرى فى السوق بره ..
الأخوة مؤمن حققوا حلمهم وأنت كمان تقدر تحقق حلمك ، بس صدّق ان فى أمل وان‫#‏حلمك_لسه_بيتنفس‬ ..

Like Like · · =480943201941421&p[1]=1073744245&share_source_type=unknown]Share