مرض نقص الفوسفور في الماشية

من طرف **د هاني** الثلاثاء نوفمبر 11, 2014 12:32 pm

veteology

موضوع متكامل عن نقص الفوسفور

بما اننا في موسم البرسيم حبيت اتكلم في موضوع نقص الفوسفور لانه مشكله تواجه جميع الزملاء كل عام في مثل هذه الفتره
يعتبر مرض نقص الفوسفور من الامراض التي تهدد الثروه الحيوانيه كل عام وخاصه في موسم البرسيم وذلك من شهر (ديسمبر وحتي شهر يونيو) وهذا لا يمنع ظهوره بالصوره الحاده في اي وقت من السنه وان ندر في غير موسم البرسيم ودي حالات شفتها بنفسي لنقص الفوسفور الحاد في غير موسم البرسيم
العوامل المؤثره في ظهور المرض
طبعا المرض ده بيصيب اناث الجاموس والابقار ولكن بيقابلني شخصيا في اناث الجاموس اكتر
يحدث المرض في اثناء فتره العشار ويكثر في النصف الاخير من العشار وايضا بعد الولاده بفترات قصيره وخصوصا في الحيوانات عاليه الادرار
طبعا السبب المباشر لحدوث نقص الفوسفور بيكون ان الحيوان بيتغذي علي البرسيم فقط حيث ان البرسيم غني جدا بالكالسيوم ( 33,. %) وفقير في الفوسفور(06, .%) وبذلك تكون نسبه الكالسيوم الي الفوسفور (5,3 :1) وهذه نسبه فيها خلل كبير لان النسبه في الدم 1:2 كالسيو م وفوسفور علي الترتيب
يظهر نقص الفوسفور في 3 صور وهي
1- الصوره تحت الاكلينيكيه sub clinicalhypophosphateamia
وتتميز بالاتي
1-انحراف شهيه الحيوان وميله الي العلائق الجافه واكل اوراق البرسيم دون السيقان
2-لون البول طبيعي مع وجود رغاوي اثناء التبول
3-نقص في اللبن
4-نقص في حركه الكرش 2 حركه كل دقيقتين
5-درجه الحراره طبيعيه وكذلكالنبض والتنفس
العلاج \
ثنائي فوسفات صوديوم 150 جرام عن طريق الفم يوميا
تونوفوسفان 25 سم عضل يوميا لمده يومين
هذه صوره بسيطه من اشكال المرض وتشفي في خلال 3 ايام
الصوره الاكلينيكيه clinical hypophosphateamia
الاعراض
1-بول مدمم بينزل فجاءه
2-لون البول ما بين الاحمر الي البني الغامق
3-قله الاكل واحيانا بيمنع الاكل خالص ودي الحالات الي بخاف منها الي بتكون قاطعه الاكل خالص
4-طبعا قله في ادرار اللبن
5- ضيق في عضله الشرج وتحزق اثناء التبرز وممكن يكون فيه اسهال
6--الاغشيه بتكون باهته او صفراء ICTRIC في الحالات الشديده
7-ظهور اعراض الانيميا والاعياء الشديد علي الحيوان
الكرش بتقل حركته مع زياده في كل من التنفس والنبض
PATHOGENESIS
باختصار ان نقص الفوسفور يقلل من تكوين الفوسفولبيد الذي تتكون منه جدار الخليه وبذلك يضعف الجدار وتتكسر كرات الدم الحمراء اللي عايز تفاصيل اكتر يرجع لاي كتاب باطنه
العلاج
1- اول حاجه انا دايما بقولها للفلاح في الحاله دي ان الحيوان المريض زي اللي فيه جرح عميق وبينزف لازم نلحقه ولو ملحقنهوش بسرعه هينزف ويموت لان اللي نازل احمر في البول ده دم الحيوان وكل ما يتبول بيفقد كميه من دمه
2- لابد من اتدخل السريع واعطاء الحيوان العلاج المناسب بالجرعات المناسبه والعلاج كالاتي
منع اكل البرسيم نهائي مع اعطاء الحيوان رده مضاف اليها ثنائي فوسفات الصوديوم يعني 2كيلو رده عليها 3 معالق كبار ثنائي ولو الحيوان رفض ياكل ممكن نعطيه الثنائي عن طريق الفم
3-تونوفوسفان 25سم وريد ولو الحاله شديده بدي زجاجه كامله يوميا لحد البول مايغير
4-كافوزال اصلي (مش مضروب) 40 سم عضل يوميا
5-مالتي فيتامين 35 سم عضل يوميا او انتوبلكس 20 سم يوم بعد يوم لتجديد الدم
6-محاليل ملح وجلوكوز 25% يعني 2 و2 بتساعد برضه معاك
7- لو الحاله تعبانه اوي ممكن نعمل نقل دم بس انا للصراحه معملتوش قبل كده رغم ان نتيجه سحريه علي ما اسمع وتتم كما ياتي
يتم حقن 100سم من دم الحيوان السليم الي المصاب ويجب ان يكون من نفس النوع او احد ابناءه وان لم يحدث رد فعل يتم نقل 2لتر علي اديتا مانع للتجلط ثم تنقل للحيوان المصاب وريد ببطيء لمده يومين
وساعات ايضا ممكن نعمل محلول 20 %من ثنائي فوسفات الصوديوم ونحقنهم وريد او تحت الجلد ودي نتائجه ممتازه جدا وبنعمله كالتالي
60 جرام ثنائي علي 300 سم ماء مقطر مع الفلتره بواسطه شاش نظيف
او ممكن نعمله علي محلول جلوكوز

الصوره المزمنه chronic hypophosphateamia
واعراضها كالتالي
1-هزال ووجود رغاوي بالفم اثناء الاجترار
2-قد يوجد تقوص في الظهر
3- الحيوان ينام وينهض بصعوبه
4-حراره طبيعييه مع نقص حركه الكرش ونقص في اللبن

منقووووول