يا ريتني ما كنت خروف

يا ريتني ما كنت خروف

لو أغير أسمي وابدل الحروف!

وقفت في السوق وقلبي مرجوف

ومعايا من الخرفان ..ألوف

وجه اللافندي للسوق ..ملهوف

قالوله طلباتك ..قالهم ...خروووووف

قالوله تعالي بنفسك نقي.. وشوف

وقف ومد صابعه ينقي مش مكسوف

وقلبي هينط مني من الرعب والخوف

بلاش انا بلاش انا

غطوني انا ليه مكشوف

خبوني لا ياخدني علي بيته محدوف

آآآآآآخ

شاور ...شاور عليا وبوش مكشوف

قال هاتوه عشان ادبحه ..دا حته خروووف

جريت وقلتلهم لا ..لا انا مش خروف

شدوني وربطوني وجرني بحبل ملفوف

ومشي في الشارع..فرحان ...مهو شاري خروف

مسبش حد معداش عليه عشان يتباهي والكل.. يشوف

فرحان علي ايه يا اخويا امال لو كنت عجل ...دا حته خروف

ووصلنا البيت وهجم عليا العيال بالالوف

ومراته تزغرت وجيرانها جت تشوف

مين دول؟؟

وليه الذوق من اخلاقهم محذوف

دا انا بكرة هاموت وروحي بينهم هتطوف

وجه تاني يوم

وااااه من تاني يوم وياني من الخوف

جه المعلم ومعاه سكاكين وسيوف

ووقف ونادي....فين الخروف

وجروني ووقف الكل يتفرج . ويشوف

يا معلم بالراحة خليك عليا رؤووف

يا سانن سكاكينك ارحمني من الوقوف

وجه اللافندي فرحان ومش مكسوووووف

انه السبب في موتي بكرة يا ما يشوف

وقفت وسلمت أمري ولوني كان مخطوف

رفع سكينته المعلم وكبر صاحبنا..وانا مرجوف

ونزلت السكينة وأتفك الحبل الملفوف

وقلت يا رب دي حكمتك .. انا راضي يا رؤوووف

بس برضه يا ريتني يااااا ريتني

يا ريتني ما كنت خروف