شهيد رفح

ااااااااااه يا بلد
_______

أنا دمى فيكــى يا بلد بقى يعنى شىء عــادى؟!

حارس ربوعــك أنـا م الصحــرا للوادى


ومنين ما روحت بقول وحشانى يا بلادى

عرقى عشان قوتك ,فى جبينى كان نادى

حلــوك ما دقـته يا بلــد, انا دقـت فيكى المر

قصة حياتى الألـم, وشريطها آه بيكُــر

كان نفسى اعيش يا بلــد,كان نفسى اكون يوم حر

كان نفسى اجيب بسمتك ,دا معتش حاجة تسُر

قولو لأم الولـد ابكينى واتوصِّـى

انا دمى راح واتهـدر ,غدرونى اه بصِّى

شايفه دموعى ازاى بتجـرى على خدِّى

وقميصى برده كمان وبعرقى اهو مندِّى

يشهدلى فيه الدم,والهم لا تعِدِّى

كان همى إنى انصرك,والله كان بَدِّى


د.محمد صابر حسين