عاوزين ايه من الهيئه العامه للخدمات البيطريه؟؟؟

السلام عليكم ورحمة الله وبركاته
زملائى الافاضل
الهيئه العامه للخدمات البيطريه هى اعلى مرجعيه لنا
وكلنا تابعين لها وبنفذ برامجها زى مابتملى علينا
ومناقشة قضايا المهنه بيكون مع مديرى المديريات
واحيانا الاطباء المسئولين عن الادارات الفرعيه بالميريات
اما ان الموضوع يتطور ويكون فيه تفاعل مع الاطباء البسطاء اللى فى الوحدات وغيرهم فقلما ان يوجد
انا عاوز من الهيئه
1-ان رئيس الهيئه ينزل لكل محافظه ويجتمع مع اطبائها ويشوف مشاكلهم ايه على ارض الواقع وردود الفعل لقرارات الهيئه وهل تتناسب معهم ام لا
2- الزملاء اللى بيراقبوا عملنا من الهيئه معلش اصغر منا سنا ولكن يرؤسونا فى العمل على راسنا من فوق ولكن مايتلككش على امور بسيطه اثناء مروره ويحاول باى وسيله ايجاد خطأ لزميله ياريت يتفهوا النقطه ديت ويبقى فيه حسن تعامل وتفهم للامور
3-العداله فى توزيع مدخلات الهيئه من اموال ولا تعليق
4-توفر ميزانيه لترميم المنشات البيطريه الغير ادميه والتى لاتصلح لمزاولة العمل وكان الطبيب اللى فيها ليس له قيمه عند المسؤولين الكبار رغم انه اهم عنصر فى المنظومه كلها
4-تخف ايديها علينا شويه من البروتوكولات والاوراق الكثيره التى تطلبها مننا
5-ياريت تثبت اخواننا المتعاقدين او يوفر لهم الكادر مثل زملاؤهم لانهم هم بناة الحاضر والمستقبل وبهم سيتغير حال الطب البيطرى فى مصر
6-الاعتدال فى اتخاذ القرارات ومش يطلع قرار النهارده بدون دراسه واعيه وتانى يوم يتلغى
واخيرا ماذا قدمت لنا الهيئه العامه للخدمات البيطريه !!!!
واسف للاطاله