راي احد الطالبات خريجات الطب البيطري في الكلية بعد ان ظهرت نتيجة التخرج

من طرف **د رضا** في الأربعاء سبتمبر 17, 2014 8:10 am

Fatma Mohammed
راي احد الطالبات خريجات الطب البيطري في الكلية بعد ان ظهرت نتيجة التخرج

النهاردة بس اتأكدت انى اتخرجت بفضل الله واصبحت ط.ب بعد ماشوفت اسمي ومجموعى فى الكشف حيث حصلت على 62.5% يعنى جيد وقعدت اودع الكلية هتوحشيني يا بيطرى وهيوحشنى اصحابي والقعدة المدورة اللى كنت بعشقها وسؤالى الوحيد فى السكشن هو فاضل اد ايه طب السكشن هيخلص امتي طب هو ينفع بريك
واكيد دكاترتى ومعيدينى هيفتقدونى بأزعاجى وحركتى الكتير وهزارى وروحي الحلوة ورخامتى برده والرغى بقي فى حين كان سكشنى بيدايق اصله كله عيال دحيحة وبيبقوا مكشرين دايما معرفش ليه ومستغربين اني بضحك حتى قبل الامتحان هو انا بس ببقي واثقة ان ربنا معايا وانى عملت اللى اقدر عليه على اد امكانياتى
وبعترف ان ال5 سنين دول اتعلمت فيهم حاجات كتير اوى لدرجة انى دخلت حاجة وخرجت حاجة تانية بس حاسة ان التغيير للافضل
وحابة اشكر كل الناس اللى ساعدتنى كليتنا فيها ناس اكتر من رائعين فعلا خلق وعلم ودين وهما كتير ربنا يجازيهم خير
وناس كانت بتطلع عنيننا ربنا يسامحهم بقي اكيد علمونا حاجة برده
ودى بقي اول صورة فى الفوتو داي بتاعى وتقريبا هى الوحيدة اللى عجبتنى

ورود