قصيدة :قسم (التقفيش)على اللحوم

قسم التقفيش على اللحوم
_________________________
_________________________


قصيدة كنت كتبتها فى قسم تفتيش اللحوم بمديرية طب بيطرى كفرالشيخ
واللى أنا واحد منهم
وهى طبعا" من باب الدعابة مع زملائى
ليس إلا ولم أقصد تجريح أو اساءة فى حد منهم
وكلهم شافوها
وكلهم قالو زيع من غير زعل
ههههههههههه
القصيدة مقسمة لأربع مقاطع على قافية واحدة
كل مقطع يشمل شخصية منهم ببعض صفاته الحقيقية
وبعضها زيادة شوية من باب الدعابة
هقول الصفات اللى ف كل واحد قبل مقطعه

__________________________​__________________________​________-
1) د/عبده الخطيب
صفاته
رئيس قسم التفتيش بادارة لمجازر
جسمه مليان شوية
وشغال فيلد كويس
وكان لما زبون يرن عليه فى أثناء التفتيش علشان حاله سوخنه شوية
دايما" يقول للزبون:حميها بخل على ما آجى
--------------------------​---
مقطعه
عبده الخطيب يا صاحبى
راجل ملو الهدوم
رئيس قسم المجازر
فى التفتيش ع اللحوم
قال بعرف اللى بايظ
وبيعرف المختوم
سواء كان عجل كامل
أو حتى كان مفروم
كان حى ولا ميت
طبيعى أو محموم
وان جات له مرة حالة
قالك هات خل قوم
ولحسن الحظ خفت
وبيقبض المعلوم
_________________________
2)د/أسامه
صفاته
جسمه برده شوية مليان
بس شيييييييك قوى فى اللبس
وشخصية قوى مع الجزارين

مقطعه
--------
وكمان دكتور أسامه
نفس العمل بيقوم
راجل سايب علامه
دايما" شيك فى الهدوم
معروف كلامه يامه
لكن ولد خدوم
إن جاب لى مايه ساقعه
بيقولى ادفع رسوم
أما ع الابتسامه
فاسأل كل اللحوم
حتى الفسيخ يقولك
إنه راجل بسوم
وان جزار مرة شافه
لو كان فاطر يصوم(يعنى لو كان بياكل تنسد نفسه يعنى)
خايف من كرشه طبعا"
عامل زى القدوم
من أكل اللحمة يامه
بيكتر م الشحوم
________________________
3)د/مجدى كامل

صفاته

دايما" صوته عالى مع الجزار فى التفتيش
وشغله الخاص كله فى الدواجن بس

مقطعه
--------

أما عن مجدى كامل
طبيب تفتيش لحوم
لو علا صوته جامد
يجرى الجزار يقوم
لكن راجل مسالم
لو كان لحم مختوم
قال يعنى فى الدواجن
عامل بحر العلوم
كان عندى مرة فرخه
استهوت من حموم
نسيت تلبس يا مجدى
خرجت من غير هدوم
قالى دى حامل يا والدى
الدوا ملوش لزوم
ديك مين يا فاجره قولى؟؟
دا لعضمى راح يروم
أكيد صايع وضايع
طبعا" ومش محكوم
قالت أبدا" يا روحى
ما دخلش اوضة النوم
لو كان طال منى بوسه
دا كان يبات مسموم
ودبحت الديك يا عينى
وهو كان مظلوم
وروحت اعزى مامته
ووالده كان مغموم
عايز ياخد بتاره
حالف لبات معدوم
يا مجدى خلى بالك
هات لك سونار بالزوووووم
أصل الغلط يا عمى
خلانا ديك مرحوم
رمل مراته الفرخة
وساب يتيم محروم
__________________________​_

4)محمد صابر
اللى هو أنا يعنى
ما أنا محمد صابر حسين جبر
طبعا" كالعادة بقه متواضع
ههههههههههههههههه

مقطعه
----------
محمد بن صابر
بيفتش ع اللحوم
راجل وجوده نادر
معروف خلوق رحوم
لكن مع اللى فاجر
ممكن يكون غشوم
وف عز الضهر ممكن....
يوريييييييه النجوم
لا عمره ف مرة شيت
ولا شاف بنات ع الروم
عمر الجزار ما خافه
وان كان حواليه يحوم
مع إن قلبه جامد
شغال ومش مخروم
قال ايه عاملى شاعر
وشعره مش مهضوم

بس